دامەزراوەی سەرۆک جەلال تاڵەبانی یاداشتنامەی لێکتێگەیشتن لەگەڵ زانکۆی سلێمانی واژۆ دەکات

ڕۆژی ١٢ی ٣ی ٢٠٢٣ باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی یاداشتنامەی لێکتێگەیشتن لەگەڵ پ. د. کۆسار محەمەد، سەرۆکی زانکۆی سلێمانی واژۆ دەکات.

لە یاداشتنامەکەدا هاتووە: "دامەزراندن و بەهێزکردنی هەماهەنگی لەنێوان دامەزراوەی سەرۆک جەلال تاڵەبانی و زانکۆی سلێمانی لەبواری هاوکاریی گەشەپێدان، ئاڵوگۆڕی زانیاری، ئەزموون و پڕکردنەوەی کەلێنەکان لەبوارە جیاوازەکاندا بۆ پێشکەشکردنی خزمەتگوزارییە پێویستییەکان و دابینکردنی ژینگەیەکی گونجاو بۆ خوێندکاران".

باس لەوەش کراوە: "ئامانج لەم یاداشتە پەرەپێدانی هاوبەشی ستراتیجییە لەنێوان هەردوو لایەندا و ئاسانکاری کردنە بۆ ڕێکخستنی میکانیزمی هاوکاریی بەردەوام و درێژخایەن، هەروەها پشتگیریکردن لە پەرەپێدانی پرۆژە و چالاکییە هاوبەشەکان و کۆکردنەوەی سەرچاوەی پەیوەندیدار و دابینکردنی هێڵکارییەکی فراوانی بەرپرسیاریەتییەکان".

لەکۆتاییدا دامەزراوەی سەرۆک جەلال تاڵەبانی و زانکۆی سلێمانی بڕیاریاندا لە داهاتووەیەکی نزیکدا دەستبکەن بە جێبەجێکردنی ناوەڕۆکی ئەو لێکتێگەیشتنە بیخەنە خزمەت خوێندکاران.