مام جەلال و سلێمانی  لە یەک جیانابنەوە

ئەوانەی دژی ناونانی فرۆکەخانەی سلێمانی بەناوی سەرۆک جەلال تاڵەبانی لە بنچینەوە لە خەبات و تێکۆشان و فیداکاری مام جەلال نەگەیشتوون و بە هەمووشت دژن..؟!

 مام جەلال دەهێنێت زیاتر خزمەتبکرێت، دەهێنێت بیروباوەڕی و ناوی بەگەورەیی نەوە دوای نەوە بدروەشێتەوەو رێبازەکەی بەرفراوانتربکرێت، ئەم ناونانەی فڕۆکەخانە بابەتێکی تازەنییە لە جیهاندا؛ لە زۆرێک لە وڵاتانی دنیا تابلۆی ئۆتۆمبێل و ناوی شەقام و پارک و زانکۆو باڵەفڕخانە بەناوی سەرۆک و سەرکردەکانیانەوەیە، ئەم دەربڕینە جۆرێکە لەوەفاداری گەل بەرامبەر سەرکردەکانیان کە دەیانەوێت، لە ئەمریکاو ئەوروپاو وڵاتانی دەوروبەر ئەوە دەبینرێت وەک پاداشت شوێنە گشتییەکان بەناوی سەرۆک و سەرکردە کاریزمییەکان دەکرێن و ناویان بەدرەوشاوەیی دەهێڵنەوە . 

مام جەلال بەخەبات و تێکۆشانی خۆی توانی زۆر دەستکەوتی گەورە بۆ گەلی کورد بەدیبهێنێت لە چوارچێوەی عێراقدا.
سەرۆک تاڵەبانی هی هەموانە؛ 

لە بۆتەی تەنها یەکێتی دەرچووە بۆتە سیمبول و ئەستێرەی درەوشاوەی کوردو عێراقییەکان و خەباتی مەدەنی و دیموکراسی ؛ ناونانی فڕۆکە خانەی سلێمانیش بەناوی سەرۆک مام جەلالەوە دەرخەری ئەوەیە کە شارەحەیاتەکە و سەرۆک مام جەلال لەیەکتر جیاناکرێنەوەو یەکن و لەهەناوی یەکدیدان وەک چۆن دواین مەنزڵی مام جەلال لەم شارەیەو لە ئایندەش بە پڕۆژەیەکی تێروتەسەل بە سەرپەرشتی دامەزراوەی سەرۆک جەلال تاڵەبانی؛ دەبێتە گرنگترین ناوەندی فەرهەنگی و سیاسی و زانستی کە شانازی پێوەدەکرێت .