هێرۆخان بۆ سلێمانی هێزی خزمەت بوو

لە یادی بونیاد نانی سلێمانیدا پێویستە کە ستایشی کارو کردارە جوانەکانی دادە هێرۆی هەمووان بکەین .
کە بێووچان خزمەتی گەورەی شاری سلێمانی کردوو بووە پارێزەری خاک و خۆڵی رەسەنایەتی شاری شاران ؛ هێرۆخان بۆ سلێمانی پشت و پەناو پارێزەرو خەزمەتگوزاری ئەم شارەبوو؛ لەسەر دەست و بیرو هزری دادە هێرۆ کاری گەورە بۆ شارستانییەت و شوناسی رەسەنی سلێمانی کرا، زۆر خزمەتی گەورەی بە کلتورو هونەرو رەسەنایەتی و جوڵەی مەدەنی 
ئەم مەنزڵگای بابانە کردو درێخی نەکرد؛ خەم خۆرو مشورخۆری ئاوەدانی شاری شاران بوو .

جێگە نییە کە دادە هێرۆ خزمەتی شاری تێدا نەکردبێت، بە هەوڵی دادە هێرۆ بە کارەکانی لە بواری فەرهەنگی و رۆشنبیری و هونەر و رەسەنایەتی میللی سلێمانی میدالیای پایتەختی رۆشنبیری پێ بەخشراو بووە ناوەندی رۆشنگەری و جێگەی رەخنەو رەخنەگرتن لە خۆ  .
ئەوە هێرۆخان بە سەرچاوەی هزری مامۆستا برایم و بیری رۆشنی مام جەلال ببوە داینەمۆی جوڵەی شۆڕشی رۆشنبیری و فەرهەنگی ، سلێمانی کردە خاوەن بەهێزترین ژێرخانی کلتورو فەرهەنگ کە بەردەوام شانازی پێوەدەکرێت . 
لەو دام و دەزگایانەی هێرۆخان لە سلێمانی بونیادی نا، کوردسات و خاک و منداڵپارێزو مۆزەی زامواو ئەمنە سورەکەو سەنتەری گەنجان و زیاتر لەوەش کە توانییان ناوەندێتی هونەرو فەرهەنگ و پاراستنی مافی منداڵ و شارستانییەتی ئەم شارە دەوڵەمەند بکات . هێرۆخان دەهێنێت یادو ستایش بکرێت .