ناونانی شوێنە گشتییەکان بەناوی سیمبولی نەتەوەیی

ناونانی شوێنە گشتییەکان وەک شەقام، پارک، قوتابخانە، زانکۆ و فڕۆکە خانە و دامەزراوە فەرمییەکان، بەشێکی گرنگە لە سیاسەتی کەلتووری و کۆمەڵایەتیی هەر کۆمەڵگایەکدا. ئەم پرۆسەیە تەنها بریتی نییە لە دیاریکردنی ناو، بەڵکو ئامرازێکە بۆ گواستنەوەی مێژوو، کەلتوور و ناسنامەی نەتەوەیی بۆ نەوەکانی داهاتوو. یەکێک لە شێوازە باوەکان لە جیهاندا، ناونانی ئەم شوێنانە بەناوی سیمبولی نەتەوەییەکانە.

١. مانای سیمبولی نەتەوەیی و گرنگییان
سیمبولی نەتەوەییەکان ئەو نیشانانەیە کە مێژوو، خەبات، هیوایەکان و بەهای گەورەی گەلێک پیشان دەدەن. ئەمانە دەتوانن بریتی بن لە:( کەسایەتییە مێژووییەکان، ڕووداوە مێژووییەکان ، نشانە و ئاڵا نەتەوەییەکان ، شوێنە مێژووییەکان).

کاتێک ئەم ناوانە بەکاردەهێنرێن بۆ شوێنە گشتییەکان، ئەوا دەبنە بەشێک لە ژیانی ڕۆژانەی خەڵک، و هەست بە پەیوەندییەکی قووڵ بە مێژوو دروست دەکەن.

٢. ڕۆڵی ناونان لە دروستکردنی ناسنامەی نەتەوەیی ناونانی شوێنەکان دەتوانێت بە شێوەیەکی کارا هەست بە ناسنامەی نەتەوەیی بەرز بکاتەوە. بۆ نموونە:
 • لە زۆر وڵاتدا شەقامەکان و مۆزەخانەو فڕۆکەخانەکان  بە ناوی قارەمانان و سیمبولی نەتەوەیی نیشتمانی ناودەنرێن
 • پارکەکان بە ناوی ڕووداوە گرنگە مێژووییەکان دەناسرێن

ئەم کارە وادەکات  خەڵک بەردەوام لەگەڵ ئەم ناوانەدا بژین، کە ئەمەش هەست بە یەکگرتوویی و شانازی وەفا بۆ سیمبولی نەتەوەیی  زیاد دەکات.

٣. ڕۆڵی پەروەردەیی و فێرکاری
یەکێک لە گرنگترین سوودەکانی ئەم جۆرە ناونانە، ڕۆڵی پەروەردەییەتییەکەیەتی. کاتێک منداڵان یان گەنجان ناوی شوێنێک دەبینن، زۆرجار پرسیار دەکەن:
“ئەو کەسە کێ بوو؟” یان “ئەو ڕووداوە چی بوو؟”
بە بڕوای من ناونانی فڕۆکەخانەى نێودەوڵەتیى جەلال تاڵەبانى Jalal Talabani International Airport سلێمانی و خۆشەویستی ڕەحمەتی  جەنابی مام جەلال بۆ ئەم شارە دەهێنێنت ناوی بخرێتە سەر خاریتەی تۆڕەکانی هێڵی ئاسمانی و وەفایەکە بۆ ڕەمزی بزوتنەوەی شۆڕشگێڕی و نەتەوایەتی کورد و کوردستان.

بێگومان ناونانی فڕۆکەخانەکە بە هەوڵ و ماندو بونی ماوە درێژخایەنی دامەزراوەی سەرۆک جەلال تاڵەبانی بووە و بێگومان دیراسەیەکی وردی بۆکراوە تا گەشتوون بەو بڕیارە، کە بڕیارێکی دروست و لەشوێنی خۆی بووە.