سەرۆک (مام جەلال) وەک کەسایەتیەکی تاک و بێ وێنە لە مێژووی سیاسی عێراقدا

سەرۆک (مام جەلال) وەک کەسایەتیەکی تاک و بێ وێنە لە مێژووی سیاسی عێراقدا ،نەک بەتەنها کە یەکەم سەرۆک کۆماری کورد بوو لە عێراق لە دوای پرۆسەی ئازادی عێراق.بەڵکو لەسەر بنەمای ئەوەی سەرۆک مام جەلال کەسایەتیەکی دیبلۆماسی کاریگەرو بەرچاوبوو لە سەر  ئاستی هەرێمی و نێودەوڵەتی ،مام جەلال فریادرەس و چارەسەرکاری کێشەکان و حەکیمی کۆتایی هێنانی ناکۆکیەکان بوو..

لەسەر ئەم بنەمایە گۆڕینی ناوی فڕۆکەخانەی نێودەوڵەتی سلێمانی بۆ ناوی سەرۆک مام جەلال،ڕێزلێنانێکە کە مانایەکی قوڵ و فراوانی هەیە،هەرچەندە ڕۆڵ و مەزنی کەسایەتی سەرۆک مام جەلال لەسەر ئاستی ناوخۆیی و نێودەوڵەتی ئاسان ناپێورێت ،کەم ڕێگا هەیە بتوانین بە شایەنی کەسایتیەکی مەزنی بزانین کە بەشداربوو لە دوبارە داڕشتنەوەی وتاری سیاسی لە عێراق و جەختکردنە سەر چەمکەکانی هاوبەشی پێکردن و پێکەوە ژیان و بەکردارکردنیان لە واقعدا..

ڕەهەندێکی دیکەی ئەم کارە لایەنە ئابوریەکەیە ،چونکە فڕۆکەخانە تەنها ژێرخانێکی ئابوری نییە بۆ گواستنەوە بە تەنها بەڵکو بنەمایەکی سەرەکییە بۆ ئابوری هەرێم،لەڕێگای کەمکردنەوەی تێچوون و کاتی گواستنەوە و ئاڵوگۆڕی بازرگانی و  سەرمایە و کاڵا و خزمەتگوزارییەکان،ئەمەش ڕەنگدانەوەی ئەرێنی دەبێت لەسەر وەبەرهێنان  هەروەک فاکتەرێکی کاریگەرە بۆ بەستنەوەی ئابوری ناوخۆیی بە بەها جیهانییەکانەوە .هەروەک بەردەوام دەرگای نوێ دەکاتەوە لەبەردەم هەناردە و گەشت و گوزار و بوژانەوەو گەشەی ئابوری بە گشتی ..

بەستنەوەی ناوی سەرۆک مام جەلال بەم ژێرخانە ئابوریە گرنگ و پربەهایە ئاماژەیە بۆ میراسێکی کەسایەتیەکی دانسقەو پڕ شانازی کە کاریگەری لەسەر ئاستی نێودەوڵەتی هەبووە،لە لایەکی دیکەوە بەستنەوەی ئەو هەوڵە دبلۆماسی و سیاسی و ئاشتیخوازانەیە کە سەرۆک مام جەلال ئەنجامی دا بە ژێرخانێکەوە کە هۆکارێکی سەرەکی و نێودەڵەتیە بۆ گەشەی ئابوری..