لە یادی ٥١ ساڵەی ی.ن.ک دا، یادێک لە هێرۆخان سیمبولی خەباتی ژنی کورد لە شۆڕشدا

هێرۆخان ناوێکی بەرزو بڵندی خەبات و تێکۆشانی نەتەوەکەمانە ، سەرباری ئەوەی کە کچی رێبەری نەتەوەیی مامۆستا ئیبراهیم و هاوژینی سەرۆک مام جەلال رابەری بزوتنەوەی رزگاری خوازی کورد بووە،  بەڵام هێرۆخان خاوەن کەسایەتی باڵای خۆی بووە ، خۆی بۆ خۆی مۆدێلێکی بەرزو بەنرخی رێبەرایەتی ژنی کوردبووە لە مەیدانی خەبات و تێکۆشاندا ، ئەفسانەی خەبات و ئیرادەی بەرزی هێرۆخان؛ لە مەیدان و رۆژە سەختەکاندا زیاتر دەرکەوێت ئەو یەکێکە لەو ژنە پێشەنگانەی ناوی لە مێژووی نوێدا دەدرەوشێتەوە و رێبەرێکی بۆتەی خەبات و تێکۆشانی پێشکەوتوخوازەنەی گەلی کوردە .  خاوەن رێچکەی جیای خەباتە ؛ هێرۆخان وەک رابەرێکی سیاسی ژن چ لە شاخ و چ لە شار ؛ رابوونێکی مەعریفی و داهێنەرو رێچکەشکێن بووە ، و دژەباو .. زۆر کاریگەورەی بۆ گۆڕانکاری جەوهەری لە کۆمەڵگە کردووە و جێدەستی دیارە .
ئەو بەخەباتی فیداکاریانەی خۆی بووە ئەو هێرۆخانەی کە هەمووان شانازی پێوەدەکەن و ناوی بە بەرزی دێت. 
لە سەرەتای شۆڕشدا تەڤلی شۆڕش دەبێت و دەستبەرداری ژیانی شەخسی خۆی دەبێت ، یەکەم ژنی کوردبووە کە شۆڕشی نوێ کە رێچکەی شۆڕشی لە مێژوودا گۆڕی و رۆڵی دابە بەشداری فراوانی ژن لە خەباتی میللیدا.
 لە ئاستی کۆمەڵی کوردەواریدا سەرسەختانە کاری بۆ نەهێشتنی کۆنەپارێزو و چەوسانەوەی نێو چینەکانی کۆمەڵگەی کوردی کردووە و بە رۆڵی خۆی دادپەروەرانە هەوڵی یەکسانی خوازیداوە لە نێو کۆمەڵدا .
هێرۆخان.. دژە چەوسانەوەو کۆیلایەتی ئینسان بووەو شوڕشێکی بۆ ئازادی و ماف هەڵگیرساند .
ئەم سەنگینەی کوردایەتی، کەمی نەکردووە بۆ گەلەکەی خۆی .
لە خۆشی و ناخۆشی گەلەکەیدا بەشداربووە.
لە ژیانی شارداو دوای شۆڕش هێرۆخان بە دامەزرێنەری میدیای دوور لەحزب و میدیای نیشتمانی دادەنرێت.
بە هێزی شۆرشی نەرم؛ توانی برەو بە گەشەی کلتورو هونەری و فەرهەنگی بدات. 
لە سەردەمی سەختی و نەهامەتیدا گەلێک ئەرشیفی بەکامێرەکەی تۆمارکرد. 
وەک بۆردومانی گوندی بالیسان بە چەکی کیمیاوی و سوتانی گوندەکانی کوردستان و داستانەکانی شۆرشی نوێ و قارەمانێتی پێشمەرگەو بەگژاچونەوەی ستەمکاری بەعس.  
ئەگەر هێرۆخان نەبوایە؛ هیچ لەوانە دروست نەدەبوون و بێ ئەرشیف شۆڕشێک بەڕێدەکرا. 
بۆ شاری سلێمانی هێرۆخان خەم خۆری شاری شاران بووە لەسەردەمی دوای راپەریندا لە ساڵی ١٩٩١ زۆرێک لە ناوەندەکلتورییەکانی ئەم شارەی پاراست و رێگری کرد لە رووخانی بینای ئەمنەسورەکەو دواجار کردیە مۆزەخانەیەکی نیشتمانی تا لەیادنەچێت؛ ستەمکاری بەعسی فاشی. 
هێرۆخان لە رێگەی منداڵپارێزو سەنتەری گەنجان و خاک و کوردسات خزمەتی بەرچاوی بە چینەکانی ناوەراست و خوارووی کۆمەڵگەکرد. 
تا ئێستاش ئەو دامەزراوانە بەردەوامن لە خزمەتکردن بە چینە جیاوازەکانی کۆمەڵگەی کوردیدا . 
لە کاتە سەختەکان و سەردەمی ئاشوبی موئامەرە و دوای نەخۆشکەوتنی سەرۆک مام جەلال ، هێرۆخان پشت ئەستوور بەرەوایەتی رێبازی مام جەلال پارێزەری یەکێتی ناو یەکێتی بوو ، بە هێزو ئیرادەی هێرۆخان یەکێتی زۆر قۆناغی قورسی تێپەڕکرد . هێرۆخان.. لە خەباتی ٥١ ساڵەی یەکێتیدا کۆڵەکەیەکی سەرەکی ئەو خەباتەیەو کارو بیرو باوەڕی لە مەیداندا ، بەشێکی سەرەکی هێزی ئەم یەکێتییە کە ئيستا بەرەو ٥٠ ساڵەی دووەمی تەمەنی دەچێت و ئێستا یەکێکە لە هێزە بەهێزەکانی سەرگۆڕەپانی سیاسی کوردستان و عێراق و ناوچەکە . هێرۆخان ناوێکی درەوشاوەیەو بە بڵندی دەمێنێتەوە.