فڕۆکەخانەی نێودەوڵەتیی جەلال تاڵەبانی؛ سیمبولی گەشەپێدان لە دڵی رۆژهەڵاتی ناوەڕاستدا

لە فڕۆکەخانەی ئەستنبوڵم، چاوەڕوانی گەڕانەوەم بۆ وڵاتەکەم، لەناو ناوی هەموو فڕۆکەخانەکانی جیهان، ناوی فڕۆکەخانەی نێودەوڵەتیی جەلال تاڵەبانی دێتە پێشچاوی ئێمەی کوردستانی و هەموو ڕەچەڵەکە جیاوازەکانی وڵاتانی دونیا.

ئەوەی دڵی کوردستانیان خۆش دەکات، لەلایەک گەڕانەوەیە بۆ وڵاتەکەیان کە کوردستانە، لەلایەکی تر پیشاندانی ناوی ڕابەرێکی کوردە کە هەموو تەمەنی خۆی بە کوردستان بەخشیوە، ئەویش سەرۆک (جەلال تاڵەبانی)ـیە.

سەرۆک مام جەلال، ناوی هاوشانی هەموو ئەو سەرکردە جیهانیانە هاتووە کە فڕۆکەخانەی وڵاتانی خۆیان بەناوەوە کراوە، لەوانە: فڕۆکەخانەی جۆن ئێف کەنەدی - سی و پێنجەمین سەرۆکی ویلایەتە یەکگرتووەکانی ئەمریکا، شارڵ دیگۆڵ جەنەڕاڵ و سەرۆکی پێشووی فەڕەنسا، هەریەک لە نیلسۆن ماندێلا و ڕۆناڵد ڕێگان و جۆرج دەبلیوبۆش و چەندین سەرکردەی تری جیهانی.
ناو هێنانی ئەم ڕابەرە مەزنەی گەلەکەمان، لەلایەک بڕوا بەخۆبوونی زیاتر دەداتە هەر تاکێکی کورد لەدونیادا، لەلایەکی تر چەسپاندنی بیری نیشتمانی و فیداکاری لەلامان پڕ جۆش و خرۆشتر دەکاتەوە، تەنانەت کە لە فڕۆکەخانەی ئەستنبوڵیش بێت!

بۆیە، جێگەی خۆیەتی دەستخۆشی لە دامەزراوەی سەرۆک جەلال تاڵەبانی بکەین، کە خاوەنی بیرۆکەی گۆڕینی ناوی فڕۆکەخانەی سلێمانی بوو، بە فڕۆکەخانەی نێودەوڵەتیی جەلال تاڵەبانی،
بۆیە دەبێتە فڕۆکەخانەی نێودەوڵەتیی جەلال تاڵەبانی؛ سیمبولی گەشەپێدان لە دڵی رۆژهەڵاتی ناوەڕاستدا