سەددام حوسێنیش لە مام جەلال خۆش نەدەبوو

2024-04-25
دوای وەستانی شەڕی عیراق - ئێران و کۆتاییهاتنی ئۆپراسیۆنەکانی ئەنفال لە پایزی ١٩٨٨ سەددامی دیکتاتۆر لەوپەڕی دەسەڵات و بەهێزیدا وەها لەخۆبای بوو، وایدەزانی رەوڕەوەی مێژوو وەستاوە و ئیدی ئەو سەرۆک و سەرکردە و فەرماندەری بگرە و بکوژەی بێڕکابەر و بێ چاودێرە!

لەوکاتەدا لێبوردنێکی گشتی هەموو بە پێشمەرگە خەڵکی سڤیل دەکرد (جگە لە یەک کەس) بڕیاریدا هەمووان بۆیان هەیە بگەڕێنەوە (عیراق) جگە لە جەلال تاڵەبانی. 

رۆژ هاتن و رۆژ چوون و کاتێک دادگای عیراقی بڕیاری لە سێدارەدانی سەددام حوسێنی دەرکرد، ئەو مام جەلالەی ئەو لێی خۆش نەدەبوو سەرۆک کۆماری عیراق بوو.

ئەو رووداوە پەندێکی مێژوویی زۆر گەورەیە. پێویستە هەموو سەرۆکە دیکتاتۆرەکانی دنیا و حزبە تۆتالیتاریەکان و کەسایەتییە لە خۆباییەکان دەرسی لێ وەربگرن، چونکە مێژوو سەلماندویەتی دەسەڵاتدارە هەرە بەهێز و گەمژە لەخۆباییەکان هەرە زەلیلترین کەسایەتیی پەراوێزی مێژوو دەبن.
 

زیاتر بخوێنەرەوە

Copyright © 2024 . PJT Foundation. All right reserved