کوردی
العربیة
English
سەرەکی
دامەزراوە
دەربارە
تیمی بەڕیوەبردن
سەرۆکی دامەزراوە
جێگری سەرۆک
ڕێکخەری میدیا
پەیوەندی
میدیا
هەواڵ
سەردان
کار و چالاکی
سیمینار
کۆنفرانس
دیبەیت
پرۆژە
چاوپێکەوتن
کتێب
سکۆلارشیپ
وتار
گەلەری
وتار
ئالان رەئوف
بۆ كوڕەكانی مام لەهەر كوێیەك بن
2023-08-03
دەمێك بوو دەمەویست شتێك لەسەر كوڕەكانی مام بنووسم، بەڵام دەرفەت نەبوو چۆن بنووسم چی بنووسم و چۆن لەناو ئەم هەموو نادادی و دیاردە ناجۆرانەدا باس لە جوانی و شەهامەتی ئەم تێكۆشەرانە بكەم.
مەبەستم لە كوڕەكانی مام ئەو پێشمەرگە و پاسەوانە تایبەتانەی سەرۆك مام جەلالە كە ئەركی پارێزگاری و پاراستنی سەرۆك مام جەلالیان لە ئەستۆ بوو لە زاری مام و هێرۆخانیشەوە بە (كوڕەكان) ناودەبران، واتا (كوڕەكانی مام ) ئەوەش گوزارشتێكی پر خۆشەویستی و وەفا بوو بۆ ئەو پێشمەرگانە كە وەك كوڕی خۆیان تەماشایان دەكردن، بۆیە منیش لەم نووسینەمدا ئاوها ناویان دەهێنم.
بەهۆی كاری میدیایی و پەیامنێرییەوە لە ساڵی 1995 ەوە مامەڵە و نزیكی و دۆستایەتیم لەگەڵ كوڕەكانی مام هەبوو بە ئێستاشەوە هەموویان بگرە زۆربەیان تا ئێستا هاوڕێیەتی و نزیكیم هەیە لەگەڵیان.
چۆن سەركردە و سەرۆكێكی وەك مام جەلال بۆ كورد و كوردستان و عیراق بێوێنە و دەگمەن بوو، ئاوهاش پاسەوانە تایبەتەكانی مام، نەجیب و بێوێنە بوون لە شێوازی پاراستنی مام و مامەڵەكردن لەگەڵ دەوروبەری خۆیان و پاراستنی ئاكار و شكۆی مام و ئەركەكەیان.
كاتێك هەندێك رەوشت و هەڵسوكەوت و مامەڵەی ناشارستانی پاسەوانە تایبەتەكانی بەشێك لە سەركردەكانی ئەمڕۆی كوردستان و لێپرسراوە تازە هەڵكەوتووەكان دەبینین و دەبیستین لەگەڵ دەوروبەر و چواردەوری خۆیان، ئەوسا هەست دەكەین چەندە مام جیاواز بووە لەگەڵ سەركردەكانی تر، ئاوهاش كوڕەكانی مام جیاواز بوون لەگەڵ پاسەوانی سەركردەكانی تر.
كوڕەكانی مام كە پاسەوانی تایبەتی بەرزترین سەركردەی سیاسی كوردستان و عیراق بوون، رۆژێك لە رۆژان ئەم تایبەتمەندییەیان بەكارنەهێنا بۆ بەرژەوەندی خۆیان یاخود بۆ خۆ بەگەورە زانین و چاو سووركردنەوە و ترساندنی خەڵكی ئاسایی و یاسا شكێنی و هەڵسوكەوتێكی نەشیاو و دزێو كە نیگەرانی لای خەڵك دروست بكات.
نەمانبینی بۆجارێكیش بێت كوڕەكانی مام لەكاتی دەوامی رەسمی و ناڕەسمیدا ئۆتۆمبێلی بێ ژمارە و شەخسی و ناشەخسی تیژڕەویی و رۆشتنی ناشارستانی سەرشەقامەكان و یاساشكێنی و تەقەكردنی هەڕەمەكی هاووڵاتیان بێزار و ناڕەحەت بكەن و دەستی ناشیرینیان بۆ درێژبكرێت، بەڵام ئەمڕۆ دەیان و سەدان دیاردەی دزێو و ناشارستانی بەشێك لە پاسەوانی هەندێک لە بەرپرسەكان دەبینین بێ ئەوەی یاسا یاخود بەرپرسەكانیان لێپرسینەوەیان لەگەڵدا بكەن، لەكاتێكدا نە ئەوان مام جەلالن نە پاسەوانەكانیشیان كوڕەكانی مامن.
لە زۆر كۆڕ و كۆبوونەوەی گشتی و حزبی و جەماوەری كوڕەكانی مام تا ئەوپەڕی هەست بە بەرپرسیاریكردن مامەڵەیان لەگەڵ خەڵك و دەوروبەریان كردووە، بگرە هەندێك جار بۆ خاتری زویرنەبوونی مام و تێكنەچوونی كەشوهەوای كۆبوونەوەكە، نەرمیان نواندووە هەڵسوكەوتی ناشایستەی بەرامبەرەكەیان قبووڵكردووە.
لەناو یەكێتیدا كوڕەكانی مام دەبێت جێگە و پێگەی خۆیان هەبێت بەچاوی رێزەوە سەیری خزمەت و ماندوونەبوون و رەوشتە جوانەكانیان بكرێت و بكرێنە نموونە بۆ پاسەوانە تایبەتەكانی بەرپرسەكان و چاویان لێبكرێت.
ئەم ئازیزانە ئێستاش وەك وەفایەك بۆ مام جەلال و باوكی هەموویان، بەردەوام سەردانی دەباشان و مەزاری مام دەكەن و ئێشك دەگرن و هەندێكیشیان ئەرك و بەرپرسیارێتی تریان وەرگرتووە و بەردەوامن لە خزمەتكردن.
سڵاو لە ماندووبوون و جوانی رەوشتی ئەم ئازیزانە درود بۆ گیانی هاوڕێ شەهید و كۆچكردووەكانیان .
زیاتر بخوێنەرەوە
بارزان شێخ عوسمان
سەید سیستانی مەبەستی لە (صمام الامان) تەنیا سەرۆك مام جەلال بوو
ئارام سەعید
مام جەلال و میدیای ئازاد
ئارێز عەبدوڵڵا
سەددام حوسێنیش لە مام جەلال خۆش نەدەبوو
مەریوان مەسعود
سەرۆكێكی دادپەروەر لە وڵاتێكی پڕ كێشەدا
بەکر فەتاح
لە یادی جینۆسایدی فەیلییەکاندا
بارزان شێخ عوسمان
٦ی ئەپریل، بەهاری عیراقی نوێ و دیموکراسیی بوو
×
زمانەکان
کوردی
العربیة
English
دامەزراوە
ژیاننامەی سەرۆک مام جەلال
دەربارە
تیمی بەڕیوەبردن
پەیوەندی
کار و چالاکی
سیمینار
کۆنفرانس
دیبەیت
پرۆژە
لینکی زیاتر
کتێب
وتار
گەلەری
سکۆلارشیپ
میدیا
هەواڵەکان
سەردان
تۆڕە کۆمەڵایەتیەکان
© 2024 pjtfoundation.org ,All rigth reserved