مام دڵی عێراق بوو

مام دڵی عێراق بوو مام پیاویک بوو لە مێژووى عێراق و کوردستان دووبارە نابێتەوە، لەبەر ئەوەى چالاک بوو  بەهەموو مانایەکییەوە کاریزما و کەسایەتییەکى بەهێزى هەبوو چەتر و لە خۆگربوو بۆ هەموو عێراقییەکان، تەجاوزى ناکۆکییەکانى کردبوو، مەرجەعێکى گەورەبوو هەم لەناو کورد و هەمیش لە عێراق گوێى لێدەگیرا، چونکە توانیبووى  هاوسەنگى رابگڕێت لەنێوان هەموو سەرۆک هۆز، عەشیرەتەکان و هەموو لایەنەکانى بە چاوى رێزەوە سەیر دەکرد، تا ئەو لە بەغدا بوو بارودۆخ بە شیوەیەک ئارام بوو، هەموو کەس لەسەر ئەوە کۆک بوو  کە مام دەرچەى ئارامییە و پێیان دەوت سەمام ئامان، چونکە مام جەلال تەنها سەرۆک کۆمار نەبوو، بەڵکو چەترێک بوو بۆ کۆکردنەوەى هەمووان رۆڵ و ئەرکێکى  زۆر جیاوازى دەبینى بۆیە چەند رێکخراوێکى عێراقى  راپرسییەکیان بۆ  باشترین١٢  کەسایەتى لە عێراق  کردبوو، لەو راپرسییەدا کە زیاتر لە ٢٠٠ هەزار کەس  لە هەموو شارەکانى  عێراق  بەشدارى  تێدا کردبوو، مام جەلال وەک باشترین  سەرۆک هەڵبژێردرابوو،
ئەمەش پێگە و گرنگى و رۆڵى  ئەو سەرکردەیە دەردەخات، لەبەر ئەوەى  مام جەلال  رابردوویەکى دڕێژى لە بەغدا هەبوو  و دەیزانى چۆن مامەڵەیان لەگەڵ بکات و  بەسەرى دەکردنەوە، هەمیش  پەیوەندییەکى باشى  لەگەڵ هەموو پێکهاتە و  لایەنە جیاوازەکانى ئەو شارە هەبوو، بۆیە زیاتر گرنگى بە کوردانى بەغدا دەدا، بۆیە دەکرێت بڵێن  جگە لە مام جەلال  هیچ سەرکردەیەکى کورد  لە کوردانى بەغدا نزیک نەبوەوە و گرنگى پێنەداون.

بۆیە ئەو کاتە کە مام سەرۆکى عێراق بوو بە دڵى عێراق ناو دەبرا، چونکە  ئیدارەدان و بڕیاردان و دادپەروەرییەکى پەیڕەو دەکرد کە هەموو تاکەکانى عێراق بگرێتەوە بێجیاوازى،

دیمەنێکى فەنتازیا و جوانى واى درووست کردبوو  لەکاتى  ئاشتکردنەوە و پێکهێنانەوەى لایەنەکان، لە هەندێ شوێن لەگەڵى دەگریاین و لە هەندێ شوێن شاگەشکە دەبووین و سەرسام  ئەماینەوە بۆ ئەو هەموو دادپەروەریانەى  کە لەگەڵ هەموو لایەنەکان پەیڕەوى دەکرد، ئەو وەک داینەمۆیەک بوو سەرچاوەى درووستبوونى پەیوەندىی نێودەوڵەتى و  یٔیقلیمى بوو، چونکە کە سەڕۆک کۆمار بو  یٔەو هەم کەسى یەکەم بوو  هەم بڕیار بە دەستیش بوو.
هێندە رێزى خۆى و خەڵکى گرتبوو ئەگەر بچوویتایە بۆ بەغدا و بتوتایە من کوردم لەسەر سەردایان دەنایت، چونکە لە بەغداش  کوانوى دیوەخان و میواندارى هێندە بە خوڵق و گەرم بوو، هەم خانە خوێ و هەمیش ماڵى کوردان بوو.