باڵیۆز د. محەمەد سابیر پێشوازی لە وەفدێکی یەکێتی دەکات

ڕۆژی چوارشەممە ١٢ی ٤ی ٢٠٢٣ باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی، پێشوازی کرد لە بەڕێز سەعدی ئەحمەد پیرە، ئەندامی مەکتەبی سیاسیی یەکێتیی نیشتمانیی کوردستان و بەڕێز سەرکەوت زەکی، لێپرسراوی مەکتەبی رێکخستن و  بەڕێز وەستا رەسوڵ، ئەندامی سەرکردایەتی یەکێتی و شاندی یاوەریان.

لە دیدارەکەدا هەردوولا هاوڕابوون لەسەر بەردەوامی و هەماهەنگی زیاتر بۆ فراوانبوونی پلان و چالاکییەکانی دامەزراوەی سەرۆک جەلال تاڵەبانی و لای خۆشیانەوە وەفدی میوان ئامادەیی و هاوکاریی خۆیان دەربڕی بۆ گەشەسەندنی دامەزراوەی سەرۆک جەلال تاڵەبانی.