دامەزراوەی سەرۆک جەلال تاڵەبانی سەرچاوەی پێویست بۆ توێژینەوەی خوێندکاران ئامادە دەکات

2024-01-24

رۆژی سێشەممە رێکەوتی ٢٣ی کانوونی دووەمی ٢٠٢٤ دامەزراوەی سەرۆک جەلال تاڵەبانی(PJTF) لە چوارچێوەی سمینارە بەردەوامەکانی زنجیرەیەک سیمینار لە زانکۆی سلێمانی بۆ کۆلێجی هونەر بەشی موزیک سازدەکات بە ناونیشانی (دابینکردنی سەرچاوەی پێویست) بۆ خوێندکاران، ماوەی سمینارەکە مانگ و نیوێک دەخایەنێت.

بەشی پرۆژەکانی دامەزراوەی سەرۆک جەلال تاڵەبانی دەڵێت

" ئامانج لەم سمینارانە بەهێزکردن و فێرکردنی فێرخوازان و دابینکردنی سەرچاوەی پێویست بۆ توێژینەوەی خوێندکاران و ئاشناکردنیان بە موزیکی بەشەکانی کوردستان".

دەشڵێت

" ئەم سمینارانە لەچوارچێوەی ئەو یاداشتنامەی لێکتێگەیشتنمانەیە کە دامەزراوەی سەرۆک جەلال تاڵەبانی لەگەڵ زانکۆی سلێمانی واژۆ کراوە، مەبەست لێی گرنگیدانە بە لایەنی زانستی و ئەکادیمی ".

سمینارەکان ماوەی مانگ و نیوێک دەخایەنێت و پێنج سمینارە، (٥٠) خوێندکار بەشداری تێدا دەکات، سمینارەکان لەلایەن توێژەر رێژەن حەسەن_وە دەوترێتەوە، بڕیارە لە کۆتایی خولەکەدا بڕوانامە بەشداربووان ببەخشرێتە سەرجەم خوێندکاران (فێرخوازان).