دامەزراوەی سەرۆک جەلال تاڵەبانی وۆرکشۆپێک لەبارەی گەنجینەوە بۆ بەڕێوەبەرایەتیی گشتیی تەندروستیی سلێمانی دەکاتەوە

دامەزراوەی سەرۆک جەلال تاڵەبانی(PJTF)  لەو وۆرکشۆپە بەردەوامانەی ئەنجامیان دەدات، وۆرکشۆپێک بۆ بەڕێوەبەرایەتیی گشتیی تەندروستیی سلێمانی کردەوە، بەناونیشانی (بەڕێوەبردنی گەنجینە) ئامانج لێی بەهێزکردن، فێرکردنی فێرخوازان و زانیاری تێچووی خواست و پاراستنی گەنجینەیە.

هەروەها لە وۆرکشۆپەکەدا باس لە پاراستنی پاشماوەکانی گەنجینە و رزگاربوون لێی و چۆنێتی پلاندان بۆ هەر ئەگەرێک کرا.

 بەڕێوەبەری پرۆژەکانی دامەزراوەی سەرۆک جەلال تاڵەبانی لەبارەی وۆرکشۆپەکەوە وتی: "ئامانجمان لەم وۆرکشۆپە فێرکردنی فێرخوازە لەبارەی دڵنیایی و ئامرازەکانی زاڵبوون بەسەر باری نادڵنیایی لە گەنجینەدا، لە وۆرکشۆپەکەدا باس لە پلاندان بۆ گەنجینە و بەدەرخستنی جۆر، سوود و گرنگییەکانی گەنجینە کرا".

فێرخوازان سەبارەت بە وۆرکشۆپەکە سوپاسی دامەزراوەی سەرۆک جەلال تاڵەبانی-یان کرد و خواستیان بەردەوامی کردنەوەی ئەم جۆرە وۆرکشۆپانە بوو، باسیان لەوەشکرد ئەم جۆرە وۆرکشۆپانە دەبنە هۆی هۆشیارکردنەوەی کارمەندان لەناو فەرمانگەکاندا.
 
وۆرکشۆپەکە بۆماوەی رۆژێک بوو، لە کۆتاییدا بڕوانامە درایە بەشداربووان، وۆرکشۆپەکەش لەلایەن پ. ی. د. کاوە محەمەد، مامۆستای زانکۆی پۆلیتەكنیكی سلێمانییەوە ئەنجامدرا.