زانکۆی گەرمیان  بە هاوبەشی لەگەڵ دامەزراوەی سەرۆک جەلال تاڵەبانی گەورەترین کۆنفرانسی زانستیی نێودەوڵەتیی تایبەت بە گەرمیان ئەنجام دەدات

بە سەرپەرشتی باڵیۆز، د. محەمەد سابیر، سەرۆکی دامەزراوەی سەرۆک جەلال تاڵەبانی بە هاوبەشی زانکۆی گەرمیان رۆژانی یەکشەممە و دووشەممە (٣-٤/ ٣/ ٢٠٢٤ ) بە بەشداری دەیان توێژەری ناوخۆیی، دەرەکی، دامەزراوەی ئەکادیمی، پەروەردەیی و رۆشنبیریی جیاواز لە وڵاتانی ئەوروپا، تورکیا، میسر، ئێران و عێراق، بۆ یەکەمجار گەورەترین کۆنفرانسی زانستیی نێودەوڵەتی تایبەت بە گەرمیان ئەنجامدرا.

بە دروشمی  (له‌پێناو ئێستا و ئاینده‌یه‌كی گه‌شتر بۆ گه‌رمیان) سه‌رۆكایه‌تی زانكۆی گه‌رمیان  بە ھەماھەنگی لەگەڵ دامەزراوەی سەرۆک جەلال تاڵەبانی، چوارمین كۆنفرانسی زانستیی نێوده‌وڵه‌تی به‌ ناونیشانی ( گه‌رمیان له‌ كایه‌ی زانسته‌ مرۆڤایه‌تییه‌كاندا) به‌ڕێوه‌ ده‌بات.
تەوەرەکانی کۆنفرانسەکە بریتین لە زمان، ئەدەب، مێژوو، شوێنەوار، جوگرافیا، ئایین، کلتور، یاسا، سیاسەت، وەرزش، ھونەر، ڕۆشنبیری، پەروەردە، خوێندن، زانستە کۆمەڵایەتییەکان و زانستەکانی تر.

کۆنفرانسەکە ٨٤ پوختەی توێژینەوەی بۆ ھاتووە لەو ژمارەیە ٦٢ توێژینەوە گەیشتووە بە دەست لیژنەی زانستی کۆنفرانس، دوای ھەڵسەنگاندن لەلایەن ھەڵسەنگێنەرانەوە ٤٨ توێژینەوەی وەرگیراوە، ١٤ توێژینەوەی رەتکراوەتەوە توێژینەوەکان لە ١٧ زانکۆ و پەیمانگە بە زمانەکانی کوردی، عەرەبی ، ئینگلیزی و  فارسی  گەیشتووە بەدەست لیژنەی زانستیی کۆنفرانس.