دامەزراوەی سەرۆک جەلال تاڵەبانی خولێکی تایبەتی زمانی ئینگلیزی بە هاوکاریی یەکێتیی عەرەبی بۆ ڕاگەیاندنی ئەلیکترۆنی دەکاتەوە

2026-11-22
​دامەزراوەی سەرۆک جەلال تاڵەبانی - نووسینگەی بەغدا، بە هاوکاری لەگەڵ یەکێتیی عەرەبی بۆ راگەیاندنی ئەلیکترۆنی، خولێکی فێربوون و فێرکردنی زمانی ئینگلیزی کردووە، کە تێیدا تیشک خرایە سەر ژمارەیەک بابەتی پەیوەست بە بەکارهێنانی زمانەکە لە ژیانی رۆژانە و ژینگەی کاردا.

​خولەکە چەندین راهێنان و تەوەری لە خۆگرتبوو کە پەیوەندییان بە کارامەییەکانی گفتوگۆکردن و پەیوەندیکردن، بەکارهێنانی وشە و دەستەواژەی گونجاو لە مامەڵەکردن لەگەڵ هاوکاران، هاوشان لەگەڵ نووسینی نامە و نووسراوە فەرمییەکان بە زمانی ئینگلیزی هەبوو، بە شێوەیەک کە یارمەتی بەشداربووان بدات زمانەکە لە دۆخە جیاوازەکانی کارکردندا بەکاربهێنن.

​ئەم خولە لە چوارچێوەی هاوکاریی بەردەوامی نێوان دامەزراوەکە و یەکێتییەکە کراوەتەوە، لەم خولەدا گرنگی دراوە بە ئەنجامدانی چالاکیی فێرکاری و راهێنان، کە دەرفەت بە بەشداربووان دەدات زانیاری و کارامەیی کردەیی بەدەستبهێنن و تواناکانیان لە بوارێکدا پەرەپێبدەن کە کارکردن و پەیوەندیکردن لە کەرتە جیاوازەکاندا پێویستی پێیەتی.

​دامەزراوەی سەرۆک جەلال تاڵەبانی بەردەوامە لە گرنگیدان بەو بەرنامە و دەستپێشخەرییانەی کە خزمەت بە لایەنی پەروەردەیی و مەعریفی دەکەن، ئەمەش لەڕێگەی هاوکاریکردن لەگەڵ دامەزراوە و لایەنە پەیوەندیدارەکاندا.

زیاتر بخوێنەرەوە

Copyright © 2026 . PJT Foundation. All right reserved