سەرۆکی دامەزراوەی سەرۆک جەلال تاڵەبانی پێشوازی لە سەرۆکی زانکۆی گەرمیان دەکات

رۆژی سێشەممە ٩ی ٥ی ٢٠٢٣ باڵیۆز د. محەمەد سابیر، سەرۆکی دامەزراوەی سەرۆك جەلال تاڵەبانی پێشوازی لە بەڕێز پ. د. فەرهاد قادر، سەرۆكی زانكۆی گەرمیان و ئەنجومەنی زانکۆکە کرد.

لە دیدارێکدا؛ باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی کار، بەرنامە و پلانی ئاییندەی دامەزراوەکە بۆ ئەنجومەنی زانکۆی گەرمیان روونکردەوە،

لە وتەیەکدا سەرۆکی زانکۆ ڕۆشنایی خستە سەر بارودۆخی گشتیی ئەکادیمی، کارگێڕی و دارایی زانکۆ، هەروەها باسی لە هەوڵەکانی سەرۆکایەتیی زانکۆ کرد بۆ چارەسەرکردنی کێشەی خوێندکاران و دابینکردنی پێداویستییە پەروەردەییەکان.

لە میانی دیدارەکەدا هەردوولا رێککەوتن لەسەر هاوکاری و هەماهەنگی هاوبەش، لە سەرجەم بوارەکاندا، و واژۆکردنی یاداشتنامەی لێکتێگەیشتن لە نزیکترین کاتدا.