سەرۆکی دامەزراوەی سەرۆك جەلال تاڵەبانی لەگەڵ یاریدەدەری سەرۆکی زانکۆی نێودەوڵەتیی قەیوان کۆدەبێتەوە

رۆژی دووشەممە ٢٢ی ئایار ٢٠٢٣ باڵیۆز د. محەمەد سابیر، سەرۆکی دامەزراوەی سەرۆك جەلال تاڵەبانی(PJTF) پێشوازی لە د. رێباز نەبی، یاریدەدەری سەرۆکی زانکۆی نێودەوڵەتیی قەیوان بۆ کاروباری کارگێڕی و خوێندکاران و شاندی یاوەری کرد.

لە کۆبوونەوەیەکدا سەرۆکی دامەزراوەی سەرۆك جەلال تاڵەبانی وتی: "ئامانجمانە رۆڵێکی بوونیادنەرانە لە ئاستی کۆمەڵگە بگێڕن بە تایبەت لەبواری رۆشنبیری، کولتووری و زانستیدا".

لە بەشێکی دیکەی کۆبوونەوەکەدا یاریدەدەری سەرۆکی زانکۆی نێودەوڵەتی قەیوان بۆ کاروباری کارگێڕی و خوێندکاران؛ باسی لەوەكرد كە ئامادەیی تەواویان هەیە بۆ هاوكاریكردنی دامەزراوەکە.

لە کۆتایی كۆبوونەوەكەدا؛ هەردوولا بڕیاریاندا لە داهاتوویەكی نزیكدا یاداشتی لێكتێگەیشتن لەنێوان دامەزراوەی سەرۆك جەلال تاڵەبانی و زانكۆی نێودەوڵەتیی قەیوان بەشێوەیەکی فەرمی واژۆ بکەن.