دامەزراوەی سەرۆک جەلال تاڵەبانی (PJTF) لێکتێگەیشتن لەگەڵ زانکۆی هەڵەبجە واژۆ دەکات

رۆژی سێشەممە رێکەوتی ٢٣ی ئایاری ٢٠٢٣ باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی (PJTF) یاداشتنامەی لێکتێگەیشتن لەگەڵ پ. د. مەهاباد کامیل، سەرۆکی زانکۆی هەڵەبجە واژۆ دەکات.

باڵیۆز د. محەمەد سابیر لە کۆنگرەیەکی رۆژنامەوانیدا لە شاری هەڵەبجە لەبارەی لێکتێگەیشتنەکەوە وتی: "لێکتێگەیشتنی دامەزراوەی سەرۆک جەلال تاڵەبانی (PJTF) و زانکۆی هەڵەبجە لەبواری هاوکاریی گەشەپێدان، وەرگرتنی ئەزموونی مامۆستایان، ئاڵوگۆڕی زانیاری، ئەزموون و پڕکردنەوەی کەلێنەکان لەبوارە جیاوازەکاندا بۆ پێشکەشکردنی خزمەتگوزارییەکانە بۆ خوێندکاران، بەستنی کۆنفرانسە لەبوارە جیاوازەکاندا".

سەرۆکی دامەزراوەی سەرۆک جەلال تاڵەبانی (PJTF) لە وەڵامی رۆژنامەنووساندا وتیشی"ئامانج لەم یاداشتە پەرەپێدانی هاوبەشی ستراتیجییە لەنێوان هەردوو لایەندا، هەروەها پشتگیریکردن لە پەرەپێدانی پرۆژە و چالاکییە هاوبەشەکان و لە ئاییندەیەکی نزیکدا ئەو لێکتێگەیشتنە دەخەینە خزمەت خوێندکاران ".