دامەزراوەی سەرۆک جەلال تاڵەبانی خولێکی چەند رۆژە بۆ بەڕێوەبەرایەتیی گشتیی کارەبای سلێمانی دەکاتەوە

دامەزراوەی سەرۆک جەلال تاڵەبانی(PJTF) لەو خولانە بەردەوامانەی دەیکاتەوە، خولێکی چەند رۆژەی بۆ بەڕێوەبەرایەتیی گشتیی کارەبای شاری سلێمانی کردەوە، بە ناونیشانی (بەڕێوەبردنی پرۆژە) ئامانج لێی بەهێزکردن و فێرکردنی فێرخوازان بوو دەربارەی بنەماکانی بەڕێوەبردنی پرۆژە، گرنگییەکەی، چۆنییەتی پلاندانان و جێبەجێکردنی پرۆژە.

خولەکە بۆماوەی سێ رۆژ بەردەوام بوو، رۆژی پێنجشەممە ٢٢/٦/٢٠٢٣ بە کۆتا گەیشت، بەشداربووانی خولەکە بۆ میدیای دامەزراوەی سەرۆک جەلال تاڵەبانی_دوان و بەشداربوویەکیان وتی: "کردنەوی ئەم جۆرە خولانە بۆ کارمەندان پێویستن، توانیمان زانیاریی ورد دەربارەی بەڕێوەبردنی پرۆژە و گرنگییەکەی وەربگرین" وتیشی: "سوپاسی دامەزراوەی سەرۆک جەلال تاڵەبانی (PJTF) دەکەین کە دەیەوێت لەم رێگەیەوە خزمەت بە کارمەندان بکات".

لە کۆتایی خولەکەدا بڕوانامە درایە بەشداربووان، خولەکەش لەلایەن پ. د. کاوە محەمەد فەرەج قەرەداغی، مامۆستای زانکۆی سلێمانییەوە وترایەوە.