دامەزراوەی سەرۆک جەلال تاڵەبانی بەشداریی شەشەمین سیمپۆزییەمی پەیپەرە نایابەکان دەکات

بە بەشداریی باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی رۆژی پێنجشەممە رێکەوتی ١٧/٨/٢٠٢٣ شەشەمین سیمپۆزییەمی پەیپەرە نایابەکاندا لە زانکۆی سلێمانی ئەنجامدرا.

شەشەمین سیمپۆزییەمی پەیپەرە نایابەکاندا ناوازەترین بۆنەی زانستییە لەسەر ئاستی عێراق بۆ یەکەم جارە لە تەواوی عێراقدا چالاکییەکی لەم شێوەیە ئەکادیمی و زانستییە ئاستبەرزە ئەنجام بدرێت، ئەم بۆنە زانستییە بە بەشداریی زانکۆی سلێمانی، رێکخراوی کەیساین، دامەزراوەی سەرۆک جەلال تاڵەبانی و مایۆرکا سیتی ئەنجامدرا.

ئەم بۆنە ناوازەیە بە میوانداریی بەرپرسانی باڵای حکومی و حزبی کوردستان و عێراق رێکخرابوو، لەم سیمپۆزیەمەدا باشــترین دە (١٠) پەیپەری توێژینەوەی زانستی هــەڵدەبژێردا بەمەبەستی خــەڵات کـردنیان لە کۆی زیاتر (٢٠٠٠٠) بیست هــەزار توێژینەوە کە لە ســاڵی ٢٠٢٢ بڵاوکراونەتەوە لە ســەرتاســەری هەرێمی کوردستان و عێراقدا، ئەمە بۆ یەکەم جارە لە مێژوودا لەسەر ئاستی عێراق چالاکییەکی لەم شێوەیە ئەنجام بدرێت کە هەموو توێژینەوەکانی عێراق لە خۆبگرێت و تیایدا یەکەمەکان دیاریبکرێن، ئامانج لەم بۆنە زانستییە ناساندنی توێژەران و پێشخستنی توێژینەوەی زانستییە لە کوردستان و عێراقدا، هەروەها هەوڵێکی پێویست و گرنگە بۆ ناساندنی توێژەرە سەرکەوتووەکان، خەڵات کردنیان و هاندانیان بۆ بەردەوامبوون و زیاتر پێشکەوتن لەبواری توێژینەوەی زانستیدا.

 پرۆســەی جیاکردنەوە و پلەبەندی و دیاریکردنی پەیپەرە سەرکەوتووەکان لەلایەن رێکخراوی (Kscien) ەوە لــەڕێگەی پێوەری زانستیی (SNAPR) ئەنجــام دراوە، هــەروەها لەم بۆنە زانستییەدا خەڵاتی گەنجترین توێژەر و چالاکترین توێژەری ژن کرا.