دامەزراوەی سەرۆک جەلال تاڵەبانی (PJTF) و زانکۆی پۆلیتەکنیکی سلێمانی یاداشتنامەی لێکتێگەیشتن واژۆ دەکەن

رۆژی چوارشەممە رێکەوتی ١٣ی ئەیلولی ٢٠٢٣ باڵیۆز د. محەمەد سابیر، سەرۆکی دامەزراوەی سەرۆك جەلال تاڵەبانی یاداشتنامەی لێکتێگەیشتنی لەگەڵ بەڕێز پ. ی. د. هۆشیار عەبدوڵڵا، سەرۆکی زانکۆی پۆلیتەکنیکی سلێمانی واژۆ کرد.

لەكۆبوونەوەیەكەدا کە سەرۆک و ئەنجوومەنی زانکۆی پۆلیتەکنیکی سلێمانی ئامادەبوو باڵیۆز د. محەمەد سابیر، روونیکردەوە کارکردنی دامەزراوەی سەرۆك جەلال تاڵەبانی لە دیدگەی سەرۆک مام جەلالەوە سەرچاوەی گرتووە و دەیانەوێت رۆڵێکی بوونیادنەرانە لە ئاستی کۆمەڵگە بگێڕن بە تایبەت لەبواری رۆشنبیری، کولتووری، زانستی و گەشەی مرۆیی.

بەڕێز پ. ی. د. هۆشیار عەبدوڵڵا بەناوی خۆی و ئەنجومەنی زانكۆوه‌ به‌خێرهاتنی وه‌فدی میوانی كرد و ئامادەیی زانکۆی دەربڕی لەڕووی زانستی و ئەکادیمییەوە بۆ هەر هاوکاری و پشتیوانییەک لە چوارچێوەی ئەم لێکتێگەیشتنەدا بۆ دامەزراوەی سه‌رۆك جه‌لال تاڵه‌بانی، هەروەها داوای کرد گرنگی بە بواری ئەکادیمی و زانستی و توێژینەوە بدرێت و دامەزراوەکە ببێتە هۆکاری زیاتری پشتیوانی ناوەندە زانستییەکان و دابینکردنی زەمالەی خوێندنی زیاتر بۆ زانکۆکەمان.

سەرۆکی دامەزراوەی سەرۆك جەلال تاڵەبانی وتی:

"ئەم لێکتێگەیشتنە ئەزموون و پڕکردنەوەی کەلێنەکانە بۆ پێشکەشکردنی خزمەتگوزارییە پێویستییەکانی نێوان هەردوولا" 

وتیشی: "لە ئاییندەیەکی نزیکدا ئەم لێکتێگەیشتنە دەکەوێتە بواری جێبەجێ کردنەوە".