ئەنجومەنی سەرکردایەتی سەردانی دامەزراوەی سەرۆک جەلال تاڵەبانی دەکات

ڕۆژی چوارشەممە ٢٢ی٢ی٢٠٢٣ باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی لە بارەگای سەرەکی دامەزراوە لە شاری سلێمانی، پێشوازی کرد لە بەڕێز فەرید ئەسەسەرد، سکرتێری ئەنجومەنی سەرکردایەتیی یەکێتیی نیشتمانیی کوردستان و وەفدی یاوەری.

لە دیدارێکدا؛ باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی کار، بەرنامە و پلانی ئاییندەی دامەزراوەی سەرۆک جەلال تاڵەبانی بۆ وەفدی میوان ڕوونکردەوە؛ ئاماژەی بەوەدا کە ئامانجمانە لەڕێگەی ئەم دامەزراوەیەوە خزمەت بە فیکر و دنیابینی سەرۆک مام جەلال بکەین.

دواتر بەڕێز فەرید ئەسەسەرد ئامادەیی و هاوکاریی خۆی و ئەنجومەنی سەرکردایەتیی یەکێتی بۆ گەشەسەندنی دامەزراوەی سەرۆک جەلال تاڵەبانی دەربڕی و دامەزراوەکەشی بە گرنگییەکی ئەم قۆناغە زانی بۆ خزمەتکردنی زیاتری کۆمەڵی کوردستان و عێراق.