دامەزراوەی سەرۆک جەلال تاڵەبانی بەشداریی سەرەکی کۆنفرانسی "دادپەروەریی تاوانکاریی و سەروەریی یاسا لە دام و دەزگاکانی چاکسازی لە عێراق، ئاسۆکان، ئاڵنگارییەکان و خواستەکان" دەبێت

رۆژی چوارشەممە ٢١ی ٥ی رێکەوتی ٢٠٢٥ بەسەرپەرشتی پ. ی. د. محەمەد حەسەیب، سەرۆکی زانکۆی کۆیە و باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی و بە هاوبەشی لەگەڵ وەزارەتی دادی حکومەتی فیدڕاڵی، دامەزراوەی سەرۆک جەلال تاڵەبانی، زانکۆی کۆیە، زانکۆکانی؛ بەغدا، بەسڕە، موستەنسڕیە، کەرکووک، تۆڕی دادپەروەری بۆ زیندانییان و رێکخراوی نەسمة عطاء کۆنفرانسی: “دادپه‌روه‌ری تاوانكاریی و سه‌روه‌ری یاسا له‌ دام و ده‌زگاكانی چاكسازی له‌ عێراق، ئاسۆكان، ئاڵنگاریه‌كان، وخواسته‌كان” لە شاری کۆیە و زانکۆی کۆیە ئەنجامدرا.

 کۆنفرانسی "دادپەروەریی تاوانکاریی و سەروەریی یاسا لە دام و دەزگاکانی چاکسازی لە عێراق، ئاسۆکان، ئاڵنگارییەکان و خواستەکان" لە زانکۆی کۆیە دوو رۆژ بەردەوام دەبێت و رۆژی چوارشەممە ٢١ی ٥ی ٢٠٢٥ دەستی پێکرد و رۆژی پێنجشەممە ٢٢ی ٥ی ٢٠٢٥ کۆتایی دێت.

رۆژی یەکەمی کۆنفراس چەند قسەکەرێکی سەرەکی هەبوو لەوانە پ. ی. د. ڕێواز فایەق، سەرۆکی خولی پێنجەمی پەرلەمانی هەرێمی کوردستان - عێراق، د. جودەت سەعید میر سادق، نوێنەری سەرۆکایەتیی داواکاری گشتی لە هەرێمی کوردستان، شوان سابیر ئیبراهیم نوێنەری رێکخراوەکانی کۆمەڵگەی مەدەنی و د. خالید ئیبراهیم قادر، راوێژکاری وەزارەتی کار و کاروباری کۆمەڵایەتی بۆ کاروباری چاکسازییەکان.