دامەزراوەی سەرۆک جەلال تاڵەبانی یاداشتنامەی لێکتێگەیشتن لەگەڵ نووسینگەی راویژکاری و پەیوەندیی کۆمپانیا عیراقییەكان له چین واژۆ دەکات.

رۆژی چوارشەممە رێکەوتی ١٠ی ئەیلوولی ٢٠٢٥ باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی یاداشتنامەی لێکتێگەیشتن لەگەڵ بەڕێز کامیل ئەحمەد حەمەڕەش، لێپرسراوی نووسینگەی راویژکاری و پەیوەندیی کۆمپانیا عیراقییەكان له چین واژۆ کرد.

لە دانیشتنێکدا سەرۆکی دامەزراوەی سەرۆک جەلال تاڵەبانی لەگەڵ شاندی نووسینگەی راویژکاری و پەیوەندیی کۆمپانیا عیراقییەكان له چین باسی گرنگی وڵاتی چینی لە رووی سیاسی، ئابووری، کەلتووری و مێژووی کرد، وتی: "بۆ ئێمە گرنگە پەیوەندییەکی بەهێزمان لەگەڵ وڵاتی چیندا هەبێت".

لە لێکتێگەیشتنەکەدا هاتووە: "پێشکەشکردنی هاوکاریی راویژکاریی یاسایی لەلایەن نووسینگەی راویژکاری و پەیوەندیی کۆمپانيا عيراقييەكان له چین بۆ هەر ناوەند و دەزگایەک که دامەزراوەی سەرۆک جەلال تاڵەبانی پشتگیری بکات له وڵاتی چین."

باسی ئەوەش کراوە: "ئەنجامدانی چالاکی هاوبەشی کەلتووری لەنێوان دامەزراوەی سەرۆک جەلال تاڵەبانی و ناوەنده كەلتوورييەكان له وڵاتی چین به هاوکاری لەگەڵ نووسینگەی راوێژکاری و پەیوەندیی کۆمپانیا عيراقييەكان له وڵاتی چين شاری ئییو".

لە خاڵێکی دیکەی لێکتێگەیشتنەکەدا ئاماژە بەوەکراوە: "پێشکەشکردنی خزمەتگوزاریی راوێژکاری بۆ بواری خویندن، بۆ ئەو خویندکارانەی دامەزراوەی سەرۆک جەلال تاڵەبانی پشتگیریان دەکات و دەیانەوێت سەردانی وڵاتی چین بکەن بۆ خوێندنی ماستەر، دكتورا و ناساندنیان بە بەشی خوێندكار و زانكۆكانی چین ئەوانەی پەیوەندیی راستەوخۆمان هەیە لەگەڵیان".

لە بەشێکی دیکەی لێکتێگەیشتنەکەدا نووسراوە: "یاداشتی لێكتێگەیشتن دەبێتە دەستپێکی کاری فراوان بۆ دەوڵەمەندكردنی رێڕەوی ئابووری، كەلتووری، كشتوكاڵ، تەندروستی، خوێندنی باڵا و هەموو بەشێك كە دەبێتە مایەی سوودی وڵات".

لە کۆتایی لێکتێگەیشتنەکەدا ئەوەش نووسراوە: "کارکردن لەسەر دەستە بەخوشککردنی شاری سلێمانی لەگەڵ شاری ئییو لە وڵاتی چین".