حەوتەمین پێشانگای نێودەوڵەتیی سلێمانی بۆ کتێب  خۆلی سەرۆک تاڵەبانی بە سەرکەوتوویی کۆتای هات

پاش یازدە رۆژی بەردەوام لە پێشوازیکردنی خوێنەران و عاشقانی کتێب، لە رۆژی کۆتایی پێشانگاکەدا کۆنگرەی کۆتایی رۆژنامەوانی پێشانگاکە بەڕێوەچوو.

 کاروان ڕەسوڵ، بەڕێوەبەری راگەیاندنی دامەزراوەی سەرۆک جەلال تاڵەبانی و حەسەن رەحیم، رێکخەری پێشانگای نێودەوڵەتیی سلێمانی و نەوزاد عبدالعزیز، راوێژکاری باڵا لە وەزارەتی ڕۆشنبیری و لاوانی حکومەتی هەرێمی کوردستان  وتەی کۆتایی پێشانگایان لە کۆنگرە رۆژنامەوانییەکەدا پێشکەشی میدیاکان کرد.

رۆژی هەینی رێکەوتی ٣ی ١٠ی ٢٠٢٥ بە بەشداری بەڕێز قوباد تاڵەبانی، لێپرسراوی مەکتەبی سکرتارییەتی سەرۆک مام جەلال و بەڕێز باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی و بەڕێز شانازخان، خانمی یەکەمی عیراق و بەڕێز حەمەی حەمە سەعید، وەزیری ڕۆشنبیری و لاوانی حکومەتی هەرێمی کوردستان و بەڕێز هەڤاڵ ئەبوبەکر، پارێزگاری سلێمانی پێشانگای نێودەوڵەتیی سلێمانی بۆ کتێب خولی سەرۆک تاڵەبانی کرایەوە.

پێشانگای ئەم ساڵ جیاواز و بەبەشدارییەکی سەرەکی دامەزراوەی سەرۆک جەلال تاڵەبانی و ناوەندە ناوخۆیی و جیهانییەکان بە شێوەیەکی فراوانتر و جیاوازتر بوو.
ملیۆنان کتێب و سەدان هەزار ناونیشان بە زمانە جیاوازەکان نمایش کراون
پێشانگاکە بۆماوەی ١١ رۆژ، پێشوازی لە کتێب دۆستان کرد لە رێکەوتی ٣ تا ١٣ی ١٠ی ٢٠٢٥
لە پێشانگای نێودەوڵەتیی سلێمانی بۆ کتێب خولی سەرۆک تاڵەبانی.