سەرۆکی دامەزراوەی سەرۆک جەلال تاڵەبانی پێشوازی لە شاندێکی یەکێتی دەکات

ڕۆژی پێنجشەممە ٣٠ی ٣ی ٢٠٢٣ باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی، پێشوازی کرد لە بەڕێز ستران عەبدوڵڵا، لێپرسراوی مەکتەبی ڕاگەیاندنی یەکێتیی نیشتمانیی کوردستان و بەڕێز سەرکەوت حەمەغەفور و بەڕێز لەتیف نێرۆیی ئەندامانی سەرکردایەتی یەکێتی و شاندی یاوەریان.
لە کۆبوونەوەکەدا هەردوولا تاوتوێی پاراستن و کۆکردنەوەی ئەرشیفی سەرۆک جەلال تاڵەبانی-یان کرد، وەک دەستکەوتێکی نەتەوەیی و نیشتمانی، شاندی میوان ئامادەیی تەواویان دەربڕی بۆ هاوکاریکردنی دامەزراوەی سەرۆک جەلال تاڵەبانی.