سەرۆکی دامەزراوەی سەرۆک جەلال تاڵەبانی بە نامەیەک بەشداری یادەوەری چلەی ماتەمینی خاتوو ئان کلۆید دەکات

رۆژی هەینی رێکەوتی ١٣/١٠/٢٠٢٣ لە کاردیفی پایتەختی ناوچەی وێلزی بەریتانیا یادەوەری چلەی ماتەمینی بۆ پەرلەمانتاری بەریتانیا (ئان کلۆید) بەڕێوەچوو بە ئامادەبوونی سەرۆک وەزیری وێلز و ژمارەیەکی بەرچاو لە پەرلەمانتارەکانی بەریتانیا و دۆستانی خاتوو ئانکلۆید. 

لە بۆنەکەدا کۆمەڵێک چالاکی بەڕێوە چوو و ژمارەیەک لە سیاسەتمەدار و چالاکوانە جیهانییەکان بەشداربوون بە پێشکەشکردنی وتار، نامە و نامەی ڤیدیۆیی، لەوانە بەڕێز شاناز خان، خانمی یەکەمی عیراق، بەڕێز مارک درێکفۆرد، سەرۆک وەزیرانی وێلز و بەڕێزتۆنی بلێر، سەرۆک وەزیرانی بەریتانیای پێشوو، باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی و کەمەڵێکی تر.

بەو بۆنەیەوە باڵیۆز د. محەمەد سابیر وەک سەرۆکی دامەزراوەی سەرۆک جەلال تاڵەبانی بە نامەیەک بەشداری لە ڕێوڕەسمەکەدا کرد، لەلایەن بەڕیوەبەری رێورەسمەکە پێشکەش بە ئامادەبووان کرا.

لە نامەکەدا ئامەژەی بە رۆڵی دۆستانەی خاتوو ئان کلۆید دابوو بەرانبەر بە دۆزی رەوای کورد و رۆلی خاتوو ئان لە دانانی هێڵی دژە فرینی ٣٦  و داکۆکی کردنی لە قوربانیانی ئەنفال و هەڵەبجە. هەروەها باڵیۆز د. محەمەد سابیر لە نامەکەیدا ئاماژەی بەوەدا کە وەک وەفایەکی بچووک لە لایەن کوردەوە رەوانشاد مام جەلال نازناوی شاژنی کوردستانی بە ئان کلۆید دابوو، هەر لەهەمان رێوڕەسمدا باس لە هەوڵەکەی سەرۆکی دامەزراوەی سەرۆک جەلال تاڵەبانی کرا کە شارەوانی سلێمانی بریاری داوە یەکێک لە باخەکانی شار (وەک وەفاداریەکی بچووک) بەناوی بکرێت و کە لەلایەن خانەوادەی ئان کلوود و سەرجەم ئامادەبووان بە گەرمی دەستخۆشیان لەو هەنگاوە کرد.

 کلیک بکە (pdf) بۆ خوێندنەوەی نامەکەی سەرۆکی دامەزراوەی سەرۆک جەلال تاڵەبانی بۆ بەشداری یادەوەری چلەی ماتەمینی خاتوو ئان کلۆید 

لە بارەی ئانکلۆیدەوە بە شێوەی (pdf) 

بە ڤیدیۆ؛ خوێندنەوەی نامەی سەرۆکی دامەزراوەی سەرۆک جەلال تاڵەبانی لە چلەی ماتەمینیی خاتوو ئان کلۆید